Төнге тәүбә

Минем турыда кайчак мактау булса,

Зинһар, кызыкмагыз, көнләшмәгез.

Үзем генә беләм бәхетемнең

Миңа ничек итеп эндәшкәнен.

Кайчак кызып авыр сүзләр әйтсәм,

И дусларым, зинһар кичерегез.

Төннәр йоклый алмый үкенеп ята

Сер-тел тотмас юньсез бу тилегез.

И дусларым, сезнең яхшылыкны

Уйлап ятам һаман тик сез юкта...

Тетрәп китәм: сезгә әйтелмәгән

Рәхмәтләрем җанда тулгак тота.

Рахмай ХИСМӘТУЛЛИН

Фото: https://ru.freepik.com