Нигә мин ятим?

Берничек тә аңлый алмыйм,
Мәңгелек утта янам.
Йөрәгемнең яралары
Көчәя бара һаман.

Кайда син, әни?!
Кайда син, әти?!
Кадерлем, диеп,
Кемнәргә әйтим?
Сугышлар да юк
— Нигә мин ятим?!

Мин кайсына охшаганмын —
Әтигә, әнигәме?
Әллә алар януымны
Бөтенләй белмиләрме?

Ничек итеп күрергә соң
Бер генә үзегезне?
Бәхет таба алырсызмы,
Яшереп эзегезне?!

Кайда син, әни?!
Кайда син, әти?!
Кадерлем, диеп,
Кемнәргә әйтим?
Сугышлар да юк
— Нигә мин ятим?!

Фото: https://ru.freepik.com