Октябрьдән дә соңга калмагыз!
Сарымсактан мул уңыш алу өчен аны нәкъ менә шушы көннәрдә утыртыгыз.
Сарымсак утыртуны тотрыклы салкыннар башланганчы 3 атна кала төгәлләргә кирәк. Безнең республика шартларында бу октябрь башларына туры килә. Көзен сарымсак тамыр җибәреп өлгерергә, шул ук вакытта тишелеп чыкмаска тиеш. Утыртканда зуррак тырнаклар сайларга тырышыгыз, сарымсагыгыз бик эре булып үсәчәк.
Ай календаре буенча быел 5, 6, 10, 11, 14, 15, 18, 19, 22, 23 октябрьдә сарымсак утырту өчен уңайлы көннәр санала.
Халык сынамышлары буенча, кошлар көньякка кузгалса, сарымсак утырту өчен яхшы вакыт җитә. Тагын бер сынамыш: өрәңге яфракларын койды икән, көзге сарымсакны утыртырга була.
Автор: Зөлфия Фәтхетдинова
Фото: https://ru.freepik.com
Чыганагы: https://kiziltan.ru/articles/poleznoe/2024-10-02/oktyabrd-n-d-so-ga-kalmagyz-3953779
Комментарийлар