ТРның Лениногорск районында белгечләрне туфракка һәм сулыкларга агу химикатлары белән зарар китермәскә өйрәттеләр

Татарстанның Лениногорск районы Шөгер авылында минераль ашламалар һәм гербицидлар кертү, агу химикатлары белән чәчүлекләрне һәм орлык материалларын эшкәртү, транспортларны һәм биналарны санитар эшкәртү белән мәшгуль хезмәткәрләре өйрәтүләр узды, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.

Бигрәк тә экологик куркынычсызлык мәсьәләләренә, шул исәптән туфракка һәм сулыкларга агу химикатлары белән зарар китермәү, кешеләр сәламәтлген саклау, агу химикатлары белән агуланган, күзгә, сулыш юлларына һәм тән тиресенә эләккән очракта беренче ярдәм күрсәтү мәсьәләләренә, аерым игътибар бирелде.