Татарстанда Муса Җәлил исемендәге республика премиясенә гаризалар кабул итү башланды
Гаризаны 19 декабрьгә кадәр язарга мөмкин. Бу хакта ТР Яшьләр министрлыгы хәбәр итә.
Премия ике елга бер тапкыр бирелә — аңа театр, рәсем сәнгате, әдәбият, журналистика, кино үсешенә, яшьләр программаларын тормышка ашыруга зур өлеш керткән 35 яшькә кадәрге яшьләр ия була ала. Моннан тыш, ким дигәндә 70% катнашучыларына 35 яшь тулмаган яшьләр коллективлары да катнаша ала.
Конкурс нәтиҗәләре февральдә – Муса Җәлил туган көнне билгеле булачак.
Конкурс турында тулырак мәгълүматны сылтама буенча белергә була.
Материалларны utalents.ru сайтында тутырыга мөмкин, ә өстәмә мәгълүмат почта аша (420021, Казан шәһәре, Г. Тукай урамы, д. 113а, бина 2 кабул ителә. Элемтә өчен телефоннар: 8 (843) 205-00-02, 8 (843) 205-00-06, 8 (843) 205-00-08, e-mail: Molodezh.Centr@tatar.ru).
Фото һәм чыганак: https://tatar-inform.tatar/news/tatarstanda-musa-alil-isemendage-respublika-premiyasena-garizalar-kabul-itu-baslandy-5894158
Комментарийлар