Татарстанда “Ел укытучысы-2018” исеменә Казан укытучысы лаек булды

16 март көнне Казанда Универсиада авылының Халыкара мәгълүмат үзәгендә “Ел укытучысы-2018” Бөтенроссия бәйгесенең төбәк этабы тәмамланды.
Фото: ТР Мәгариф һәм фән министрлыгы матбугат хезмәте.
Бәйгедә Казанның 1 нче гимназиясе физика укытучысы Радик Хәбиров яулады, дип яза Казан мэриясе матбугат хезмәте.
Татарстан башкаласының башка укытучылары да бүләкле урыннар алды. Мәсәлән, “Педагогик дебют” номинациясендә икенче һәи өченче урыннарны 121 нче лицей укытучысы Эльвина Бикморзаева һәм 19 нчы гимназиянең тарих укытучысы Евгений Лобанов алдылар.
Моннан кала “Ел тәрбиячесе-2018” номинациясендә икенче урынны 177 нче балалар бакчасының музыкаль җитәкчесе Анастасия Шергина яулады. Татар теле укытучылары арасында иң яхшысы 39 нчы мәктәп укытучысы Эльмира Әпсәләмова булды.