Синоптиклар 22 июльдә Татарстанның кайбер районнарында томан төшәчәге хакында кисәтте

21 июльдән 22сенә каршы төндә һәм чәршәмбе иртән Татарстанның кайбер районнарында томан төшүе көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Синоптиклар шулай ук тагын яңгыр явачак дип фаразлый. Яшен вакытында җилнең тизлеге урыны белән секундына 15-20 метрга кадәр җитәр дип көтелә.
Төнлә һава температурасы +12..+17 градус тәшкил итсә, көндез термометрның терекөмеш баганасы +28 градуска кадәр күтәреләчәк.
 

Фото: Михаил Захаров

https://tatar-inform.tatar/news/society/21-07-2020/sinoptiklar-22-iyuld-tatarstanny-kayber-rayonnarynda-toman-t-sh-ch-ge-hakynda-kis-tte-5758209