«Отряд Таганок» фильмы 4 марттан Татарстан һәм Башкортстан кинотеатрларына чыгачак

Мостай Кәримнең «Өч таган» әсәре нигезендә төшерелгән «Отряд Таганок» фильмы 4 марттан Татарстан һәм Башкортстан кинотеатрларына чыгачак.
«Илледән артык кешенең 2 еллык хезмәте бу. Башкорт киносында мондый тавышлы һәм сурәтле фильмның булганы юк иде әле», — дип хәбәр итә фильмның режиссеры Айнур Аскаров.
«Отряд Таганок» фильмы Уфада Мостай Кәримнең 100 еллыгы уңаеннан күрсәтелгән иде. Казанда 30 августта Татарстан киносы көннәрендә кунак фильм буларак күрсәтелде.
 
Фото: https://www.bashinform.ru/

https://tatar-inform.tatar/news/culture/21-01-2021/otryad-taganok-filmy-4-marttan-tatarstan-m-bashkortstan-kinoteatrlaryna-chygachak-5800597