Ни өчен 1 гыйнварда өйгә беренче булып ир-егет керергә тиеш?

Ел уңышлы булсын өчен генә түгел шул.
Безнең халык бәйрәм итәргә, кунакка йөрергә бик ярата. Аеруча Яңа ел бәйрәмнәре моның өчен кулай вакыт. Шулай да бу бәйрәмнең хатын-кызлар өчен бер кире ягы бар. Төнге сәгать 12 булгач, гүзәл затларга беренче булып өйгә керергә ярамый. Әлеге сынамышка һәркем диярлек ышана, ә ни өчен ярамагынын күпләр белми.
Биоэнергетиклар әйтүенчә, ир-егет - көчлелек символы. Ул яклаучы, гаилә башлыгы. Шуңа күрә аның өйгә керүе - бу йортның начар хәбәрләрдән, авырлыклардан азат булачагын күрсәтә. Ягъни, өйгә ел буе начарлык килмәячәк, йорт начар энергияләрдән сакланган булып санала.