Нәни мөселманнар таныклык алачак

Русия Мөфтиләр шурасы хәбәр итүенчә, тиздән Мәскәүнең кечкенә мөселманнары исем кушу турында яңа таныклык алачак.
Мәскәү мөселманнары Диния нәзарәте исем бирү таныклыгының яңа дизайнын эшләгән. Ул китап форматында булачак. Анда аерым биттә бала һәм аның әти-әнисе турында мәгълүмат языла.
Әлеге документ сабыйның әхлаклы һәм гадел мөселман булып үсүен теләп биреләчәк.