Корея энергетиклары - Зәйдә эшлекле визит белән

ТР Президенты Рөстәм Миңнеханов ТР Икътисад,  Сәнәгать һәм сәүдә министрлыкларының уртак коллегия утырышында Зәй ГРЭСын реконструкцияләү, магистраль челтәр үсеше бурычын куйды.

Икътисадны ныгытуда зур роль уйнаучы, электр энергиясе һәм җылылык белән тәэмин итүче станцияне нигә тулы куәтенә эшләтеп, халык ихтыяҗын  тулаем канәгатьләндермәскә? Моның өчен станциядә  зур үзгәртеп кору  эшләре алып бару вазгыяте тора. Бу масштаблы эшкә инвестор табу зарур.  Әлеге уңайдан бүген ГРЭСта район башлыгы Разиф Кәримов Көньяк Кореянең КЕРСО энергетика компаниясе вәкилләре белән очрашты. Кунакларны  станция белән таныштырып, алда торган реконструкция  хакында сөйләшенелде, дип хәбәр итә "Зәй офыклары".