Чаллылылар үзләренең кирәксез һәм иске велосипедларын тапшыра ала

Татарстанның велосипедчылар берлеге иске, ватылган, кулланылмыйча ятучы велосипедларны җыя, аларны ремонтлап, тормыш хәле авыр булган гаиләдә тәрбияләнүче балаларга бирә.
5 августта "Тукай юлы" велотуры кысаларында активистлар Чаллыда да "тимер ат"ларны җыю уздыра. Әлеге акциядә катнашырга теләк белдерүчеләрне 18.00 сәгатьтә Тукай яр буена чакыралар.
Программада: җирле велосипедчылар җәмгыяте белән очрашу, иске, ватык һәм кулланылмаучы велосипедларны җыю һәм ремонтланганнарын балаларга тантаналы төстә тапшыру.
Велосипедларны җыю нокталары республиканың сигез шәһәрендә оештырылган.
 
https://pixabay.com