Татарстанда 27 градуска кадәр салкынайта

30 декабрьдә Татарстан территориясендә аязучан болытлы һава торышы көтелә.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, төнлә һәм иртән урыны белән томан төшәргә мөмкин.
Шулай ук урыны белән бераз кар, бозлавык һәм уртача тизлектә җил фаразлана.
Төнлә термометрның терекөмеш баганасы -16..-24 градуска төшәчәк, ә урыны белән -22..-27 градуска кадәр салкынайта. Көндез һава температурасы -8..-13 градус була.

Чыганагы: https://tatar-inform.tatar/news/ecology/29-12-2021/tatarstanda-27-graduska-kad-r-salkynayta-5846254