Казанның Бауман урамында Казан яшь тамашачы театры бәйрәм оештыра

Мәктәптә каникулларның соңгы көнендә – 8 гыйнварда Казан яшь тамашачы театры Бауман урамында шәһәр балаларына һәм Казан кунакларына бәйрәм ясарга җыена.

Кыш бабай, Кар кызы, башка әкияти геройлар урамдагыларны бәйрәм белән котлаячаклар, дип хәбәр итә театрның матбугат хезмәте.
Бәйрәмдә һәр теләгән кеше театр артистлары оештырган уеннарда катнаша һәм Кыш бабай белән фотога төшә ала.
Бәйрәм көндезге 12.00 сәгатьтә башлана.
Бауман урамында 2 гыйнвардан башлап 8 гыйнварга кадәр ТЮЗ паровозы йөреп тора.