"Алмакай" йолдызлары бездә кунакта

Бүген редакциябезгә 118 номерлы “Алмакай” балалар бакчасыннән нәниләр кунак булып килде.

Алар үзләре әзерләгән шигырьләр белән чыгыш ясап, бар тарафны җанландырдылар. Нәни дусларыбыз журналда балалар өчен чыгучы “Мәйданчык” кушымтасы белән таныштылар, аннан шигырьләр-әкиятләр тыңладылар. “Мәйданчык”ка үзләренең рәсемнәрен бүләк иттеләр. Татар телен укыту буенча тәрбияче Асия Хуҗина журналыбызны узган юбилее белән котлап, матур теләкләр теләде. Бик кызыклы очрашу килеп чыкты.